Connect with us

Zoya

Sondazhi: 10 ëndrrat seksuale që burrat dhe gratë shohin më shpesh

Published

on

Sipas një sondazhi të ri me 1000 burra dhe 1000 gra, gjëja më e zakonshme për gratë, kur flitet për ëndrra seksuale, është seksi me dikë të afërt, një mik.

Ndërkohë, për burrat është diçka tjetër: Seksi me një ish.

Sigurisht, është e rëndësishme të kujtoni se ëndrrat tuaja erotike nuk duhen marrë shumë seriozisht, pasi në të shumtën e rasteve, nuk do të thotë se ju dëshironi që ato të ndodhin në të vërtetë.

Pak më shumë se tre të katertat e grave të anketuara thanë se kanë ëndërruar për një të njohur, ndërsa 68% kanë menduar për të bërë seks me një koleg pune.

62% e grave të anketuara thanë se kanë ëndërruar për seks me një të panjohur dhe vetëm 58% thanë se kanë parë ëndrra erotike me partnerin e tyre aktual.

Ndërkohë, në vendin e pestë, është ëndrra sikur “partneri po i tradhton”, të cilën e kanë parë rreth 57% e grave të anketuara.

Sipas sondazhit, 10 ëndrrat erotike më të njohura të grave janë:

– Seksi me një mik

– Seksi me një koleg pune

– Seksi me të panjohur

– Seksi me partnerin e tyre aktual

– Ëndrra sikur po partneri po i tradhton

– Seksi me ish-të dashurin

– Seksi me një të famshëm

– Seks me shefin

– Seks në grup

– Seks me dikë që urrejnë

Sondazhi, i kryer nga  IllicitEncounters.com, tregoi se zgjedhjet e burrave ishin krejt ndryshe. Zgjedhja kryesore e tyre ishte një ëndërr erotike me ish-të dashurën. 92% e burrave e kanë patur këtë ëndërr, krahasuar me 54% të grave. Ëndrra e dytë më “e famshme” për burrat, është “kur marrëdhënia seksuale shkon keq”. 76% e burrave e kanë parë këtë ëndërr.

10 ëndrrat erotike më të njohura të burrave:

– Seks me një ish

– Ëndrra sikur diçka shkon keq gjatë seksit

– Seksi në grup

– Seks me një të famshëm

– Seks në një vend publik

– Ëndërr sikur partnerja po i tradhton

– Seks që përfshin BDSM*

– Seks me një koleg/e pune

– Seks me një mik/e

– Seks me një të panjohur

*BDSM (Bondage, discipline, dominance, submission, sadism, masochism – skllavëri dhe disiplinë, mbizotërim dhe nënshtrim, sadizëm dhe mazokizëm)

Pyetjes: “Sa shpesh shihni ëndrra erotike”, të anketuarit iu përgjigjën:

Herë pas here – 26%

Një herë në javë – 16%

Një herë në dy javë – 12%

Një herë në muaj – 14%

Pak herë në vit – 20%

Asnjëherë – 12%

Continue Reading
Click to comment

Leave a Reply

Your email address will not be published. Required fields are marked *

Zoya

Qumështi i bajameve: Përfitimet, rreziqet dhe si ta përgatisni në shtëpi

Published

on

Çfarë është qumështi i bajameve?

Qumështi i bajameve bëhet nga bajame të bluara dhe ujë, por mund të përfshijë përbërës të tjerë në varësi të llojit. Gjatë përpunimit, bajamet dhe uji përzihen dhe më pas kullohen.

Në shumicën e qumështit komercial të bajameve, përbërësit trashës, konservuesit dhe aromatizuesit zakonisht shtohen për të përmirësuar aromën, strukturën dhe afatin e ruajtjes.

Qumështi i bajameve është i përshtatshëm për veganët si edhe njerëzit alergjikë ndaj tij ose me intolerancë ndaj laktozës.

Përbërja

Qumështi i bajameve është i pasur me vitaminë E, një antioksidant që lufton sëmundjet. Gjatë përpunimit, zakonisht pasurohet me kalcium dhe vitaminë D. Megjithatë, nuk është një burim i mirë i proteinave.

Përfitimet shëndetësore të qumështit të bajames

– I pasur me vitaminë E: Vitamina E është një vitaminë e rëndësishme për mbrojtjen e qelizave nga dëmtimi i radikalëve të lirë. Ajo ndihmon shëndetin e syve dhe të lëkurës dhe mund të luajë një rol në mbrojtjen nga sëmundjet, si sëmundja e zemrës.

– Përmban pak sheqer: Nëse po përpiqeni të kufizoni marrjen e sheqerit, qumështi i bajames pa ëmbëlsues është një zgjedhje e shkëlqyeshme.

Qumështi i bajameve: Përfitimet, rreziqet dhe si ta përgatisni

Rreziqe të mundshme

– Mungesë proteinash: Proteina është thelbësore për shumë funksione trupore, përfshirë rritjen e muskujve, strukturën e lëkurës dhe kockave dhe prodhimin e enzimave dhe hormoneve. Nëse preferoni qumështin e bajameve, sigurohuni që të konsumoni fasulet, thjerrëzat, arrat, farat etj. Nëse nuk shmangni produktet shtazore, vezët, peshku dhe mishi i pulës janë burime të mira të proteinave.

– I papërshtatshëm për foshnjat: Fëmijët më të vegjël se 1 vjeç nuk duhet të pinë qumësht lope ose me bazë bimore, pasi këto mund të parandalojnë thithjen e hekurit.

– Mund të përmbajë përbërës të shtuar: Kontrolloni listën e përbërësve. Zgjidhni qumështin e bajameve pa ëmbëlsues dhe pa aromë.

Qumështi i bajameve: Përfitimet, rreziqet dhe si ta përgatisni

Si ta bëni vetë qumështin e bajameve

Përbërësit:

– 2 gota bajame të njomura
– 4 gota ujë
– 1 lugë çaji ekstrakt vanilje (opsionale)

Vendosni bajamet në ujë brenda natës dhe kullojini para se t’i përdorni. Shtoni bajamet, ujin dhe vaniljen në një blender. Sigurohuni që bajamet të jenë bluar mirë (1-2 minuta). Më pas, kullojeni përzierjen me napë. Lëngun ruajeni në frigorifer për 4-5 ditë.

Continue Reading

Zoya

Frymëmarrja e mirë – thelbësore për shëndetin

Published

on

Nuk ka rëndësi se çfarë hani, sa stërvitje bëni, sa i dobët apo i ri jeni: asgjë nga këto nuk ka rëndësi, nëse nuk merrni frymë siç duhet, ky është mesazhi kryesor që vjen nga libri “Arti i Frymëmarrjes” i gazetarit shkencor dhe shkrimtarit James Nestor.

“Do të dukej pothuajse e pa rëndësishme, megjithatë, si specie, njerëzit kanë humbur aftësinë për të marrë frymë siç duhet, duke rrezikuar kështu shëndetin”, shkruan Nestor.

“Një nga arsyet kryesore? Njerëzit marrin frymë gjithnjë e më shumë me gojë, sesa me hundë, duke humbur 40 për qind lagështi, duke mos përdorur oksigjen në mënyrën më të mirë të mundshme dhe duke prishur funksionimin e zonave të caktuara të trurit të shoqëruara me vendimmarrje dhe logjikë”, shton ai, shkruan KP.

Sipas Nestor, edhe me maskë, për shkak të pandemisë, ne duhet të kujtohemi të frymëmarrim me hundë, pa pasur frikë se vënia e saj ul ngopjen me oksigjen.

Midis shkencës, trillimit dhe anekdotave dhe duke u mbështetur te ekspertët e mushkërive për të provuar shkencërisht besimet më të përhapura në frymëmarrje, autori zbulon, gjithashtu, se sëmundje të tilla si astma, ankthi, çrregullimi i mungesës së vëmendjes, psoriaza, mund të lehtësohen duke ndryshuar mënyrën e frymëmarrjes.

Continue Reading

Zoya

Vitamina që stimulon kujtesën, inteligjencën dhe krijimtarinë, tek fëmijët dhe të rriturit

Published

on

A keni menduar ndonjëherë që ekziston një vitaminë që mund të stimulojë IQ dhe të menduarit krijues? Epo, ekziston një vitaminë që stimulon kujtesën, inteligjencën dhe krijimtarinë si tek të rriturit ashtu edhe tek fëmijët.

Vitamina që stimulon kujtesën, inteligjencën dhe kreativitetin dhe është e mirë për sytë

Kjo është luteina, një vitaminë e përdorur për trajtimin e degjenerimit makular, e aftë të zvogëlojë inflamacionin sistemik dhe të stimulojë funksionimin e duhur të trurit. Në fakt, truri kërkon luteinë për zhvillimin e duhur. Sidoqoftë, disa njerëz e kanë të vështirë të përthithin luteinën, veçanërisht nëse janë mbipeshë.

Studime të shumta me fëmijë, njerëz të moshës së mesme dhe të moshuar kanë treguar rëndësinë e luteinës në shëndetin e trurit. Nivelet më të larta të luteinës dhe zeaksantinës janë shoqëruar me përmirësim të njohjes, kujtesës dhe krijimtarisë tek të rriturit. Ndërsa studimet e kryera tek fëmijët kanë zbuluar se 60% e karotenoideve në trurin e një fëmije përbëhen nga luteina. Për këtë arsye marrja ditore e 6 mg lutein dhe zeaxanthin mund të sigurojë përfitime të konsiderueshme shëndetësore.

Ku merret luteina?

Këtë vitaminë është e mundur të merrni nga një dietë që përfshin një larmi të madhe të produkteve të freskëta. Luteina gjendet në përqendrime të larta në lakër jeshile, spinaq, dardhë dhe luleradhiqe. Gjithashtu është e mundur që kjo vitaminë të merret në formë suplementi.

Continue Reading

Trending