Pas tetë fitoreve radhazi Interi mposhtet nga Sampdoria

Interi është ndalur në udhëtim te Sampdoria pasi është mposhtur me rezultat 2-1 në ndeshjen e javës së 16-të në Serie A.

Ekipi i Antonio Contes nuk ka arritur rezultat pozitiv pas tetë fitoreve radhazi në kampionat, pasi janë mposhtur nga Sampdoria.

Pjesa e parë e ndeshjes u karakterizua lojë thuajse të barabartë nga të dyja skuadrat, por vendasit ishin më konkret duke shënuar dy gola.

Interi kishte mundësi të artë për të kaluar në epërsi në minutën e 12-të, por penalltia e Alexis Sanchez u prit nga portieri Audero dhe nga topi i kthyer Ashley Young goditi shtyllën.

Pas këtij goli, Sampdoria u tregua më e ‘ashpër’ duke provuar më shumë dhe në minutën e 23-të shënoi me anë të Antonio Candrevas nga penalltia për 1-0, ndërsa Keita Balde (38’) shënoi për 2-0.

 

Në pjesën e dytë, Nerazzurrët ishin dukshëm skuadër më e mirë dhe krijoi shumë deri sa gjeti golin e parë në minutën e 65-të me anë të Stefan de Vrij, i cili shënoi me kokë për 2-1.

Pas këtij goli, Interi vazhdoi me lojë më të mirë dhe më kërkuese me raste, por edhe përkundër disa tentimeve nuk arritën të gjejnë golin dhe në fund u mposhtën 2-1 nga Sampdoria.

 

Pas kësaj humbje, zikaltrit mbesin në pozitën e dytë me 36 pikë apo një më pak se Milani i pari që luan me Juventusin më vonë, ndërsa Samp renditet në vendin e 11-të me 20 pikë.

Në ndeshjen e ardhshme, Interi udhëton te Roma, ndërsa Sampdoria luan në udhëtim te Spezia.

Shpërndaje në:
Të Ngjashme
Widget post How to clear the air in the most polluted cities on Earth
27 Feb 03:20 Persikopi
OPINION