Partia Demokratike e Shqipërisë mbledh kryesinë për hapat e protestës

Partia Demokratike pritet të mbledhë kryesinë  në orën 14:00. Burime pranë PD-së thonë se temë e diskutimit do të jetë ecuria e protestës dhe hapat që do të ndiqen më pas, si dhe organizimin e saj.

Periskopi.com Lajme

Mbledhja e kryesisë vjen në një kohë që protesta e qytetarëve para kryeministrisë është futur në ditën e dytë, dhe do të vazhdojë pa afat.3 orë më parë Tiranë, paratë e grabitura të fshehura në tenxhere (Foto) Edhe pse në numër disa herë më të vogël nga të pranishmit në protestë, në çadrën e ngritur nga Partia Demokratike nuk munguan protestuesit gjatë mbrëmjes.

Organizatorët ishin kujdesur për gjithçka, që nga ushqimi, te muzika, për të cilën disa herë është kujdesur dhe vet kryetari i PD-së, Lulzim Basha, e deri te ngrohja.Kishte nga ata protestues, që orët i kalonin duke kërcyer.‎ Të tjerë duke luajtur me letra, apo duke luajtur shah.Mes protestuesve ka qëndruar edhe bashkëshortja e kreut të opozitës, bashkë me deputetët e kësaj force politike.

Ndërsa vëmendje tërhoqi dhe prania e kampionit të mundjes, Elis Guri. Rreth orës 2 pas mesnate, në hapësirën ndarëse mes çadrës dhe godinës së Kryeministrisë u vendos një gardh hekuri, por sipas organizatorëve jo prej tyre, por nga policia, e cila ishte e pranishme gjatë të gjithë natës me dy patrulla.Basha, i cili qëndroi deri në orët e para të mëngjesit, u kujdes që të takohej me të gjithë protestuesit, e të mbante ndezur te ta frymën e protestës, pasi siç ai vet pohon, tashmë protesta është e tyre.“Kur ndodhesh para një force dhe energjie të tillë, pak rëndësi ka sa mirë apo sa dobët e ke planifikuar. Realisht masat nga shtabi i protestës ishin marrë, por ajo që i ka dhënë energji dhe zemër protestës janë vet njerëzit”, është shprehur Basha.

Nga ana tjetër, vet protestuesit shprehen të vendosur të qëndrojnë. Agimi i ka dhënë fund natës së parë të protestës së opozitës, një natë e kaluar në qetësi. Por me bindjen te protestuesit se nuk do të jetë e fundit.

Shpërndaje në: