Connect with us

Intervista

Intervistë e shqiptarit më të pasur, shumë më i pasur se Behgjet Pacolli

 “Biznesi gjithnjë ka pasur dhe do të ketë risqe, e rëndësishme është që të jesh i ndërgjegjshëm dhe i qartë për risqet që ndërmerr, kjo është e gjitha çështje sipërmarrje. Fokusi kryesor kanë qenë dhe vazhdojnë të jenë punonjësit e Grupit Balfin. Nuk mund të rritesh nëse nuk ke strukturat dhe stafin e kualifikuar që të suportojë dhe të mbështesë rritjen”, thotë Samir Mane, President i Grupit Balfin, grupit më të madh në Shqipëri, në një intervistë për ecurinë e kompanive që ai drejtor. Mane shton se në një periudhë afatmesme, ne do fokusohemi që të investojmë në vendet e rajonit, kryesisht në Bosnjë, Maqedoni dhe Greqi.

Published

on

Si e vlerësoni ecurinë e Grupit Balfin në 2015-n në raport me 2014-n?

Ecuria e Grupit Balfin ka qenë mjaft pozitive gjatë vitit 2015. Shumë shoqëri të Grupit Balfin kanë konsoliduar pozicionin e tyre në treg dhe kanë fituar treg nga konkurrentët. Në raport me xhiron jemi rritur mbi 16% dhe në raport me performancën jemi rritur mbi 100%. Fokusi i Grupit, në kërkimin dhe aplikimin e metodave më konkurruese dhe eficente në industritë ku operojmë, ka bërë që shoqëritë të rrisin ndjeshëm performancën e tyre.

Sa e keni ndier koniunkturën e pafavorshme ndërkombëtare të çmimeve (për AlbChrome) dhe krizën e konsumit për segmentin e retail (p.sh., Neptun ka rezultuar me rënie të të ardhurave në vitin 2015).

Neptun ka vijuar fuqishëm në tregun e brendshëm, ndërkohë që rënia e të ardhurave lidhet me rënien e eksporteve ndërkombëtare, si pasojë e luhatjeve të herëpashershme që pësojnë tregjet. Gjithsesi Neptun në tregun vendas është rritur në xhiro me 14%, krahasuar me një vit më parë. Ky është një tregues mjaft pozitiv dhe domethënës për Neptun. Ndërkohë që AlbChrome, në vitin 2015, në krahasim me vitin 2014 ka pasur një rezultat mjaft pozitiv, duke u pozicionuar si një nga shoqëritë më të mëdha dhe kontribuuese të Grupit Balfin. Industria ka sfidat e veta, sidomos për faktin se çmimi i shitjes varet nga koniunkturat e tregut ndërkombëtar. Efektet negative janë ndier në vitin 2016, por fatmirësisht, për arsye të optimizimit të proceseve dhe operacioneve në njësitë e biznesit ky ndikim, edhe pse i konsiderueshëm në rënien e çmimit, është miradministruar.

Grupi po shënon rritje të shpejtë dhe zgjerim në vite. Si po e menaxhoni këtë rritje të shpejtë dhe rreziqet e saj?

Rritja është përballuar duke ndjekur disa strategji. Fokusi kryesor kanë qenë dhe vazhdojnë të jenë punonjësit e Grupit Balfin. Nuk mund të rritesh nëse nuk ke strukturat dhe stafin e kualifikuar që të suportojë dhe mbështesë rritjen. Nga ana tjetër, ne jemi fokusuar në krijimin e një kulture pune, e cila në mënyrë të vazhdueshme është në kërkim të përmirësimit, mundësive të reja për biznes dhe performancës. Fokusimi në këtë drejtim ka dhënë rezultatet e veta. Biznesi gjithnjë ka pasur dhe do të ketë risqe, e rëndësishme është që të jesh i ndërgjegjshëm dhe i qartë për risqet që ndërmerr, kjo është e gjitha çështje sipërmarrje.

Pse vendosët që të hiqnit dorë nga Carrefour dhe të kaloni te Spar? Pse në vitin 2015, kompania Almark rezultoi me humbje të mëdha dhe kur parashikoni të dilni me fitim?

Ne hoqëm dorë nga Carrefour për arsye se shoqëria në Greqi, nga e cila ne kishim dhe kontratën, pati probleme financiare dhe suporti nuk po jepej. Sapo ne e morëm në menaxhim, njohëm dhe shumë humbje që i përkisnin menaxhimit të mëparshëm. Menjëherë vendosëm që të kalonim në Spar dhe të merrnim vlerën e rrjetit ndërkombëtar gjerman. Rrjeti Spar, pjesë e retail-it të organizuar, kërkon shumë angazhim dhe ka shumë sfida të cilat ne jemi të vendosur që do të përballemi. Plani i biznesit është shumë agresiv përballë një tregu jo të mirorganizuar. Konsumatori është gjithnjë në kërkim të produkteve dhe shërbimeve cilësore dhe Spar ka edhe cilësinë, edhe çmimin. Kjo industri do minimalisht 2 vite investime që të fillojë të gjenerojë fitim.

Vitin e kaluar hytë edhe në sektorin e bujqësisë. Si ka ecur ky investim?

Bujqësia është një sektor shumë delikat, por edhe kompleks njëkohësisht. Këtë vit, ne përfundojmë fazën e dytë të investimeve dhe viti i ardhshëm do të jetë domethënës për realizimin e ekonomisë së shkallës së nevojshme në këtë industri.

Cilat janë planet tuaja në të ardhmen për investime brenda dhe jashtë vendit?

Planet e investimit do të fokusohen në ata sektorë ku ne kemi dhe know how, por sigurisht do të jemi të hapur për të investuar edhe në sektorë të rinj. Në një periudhë afatmesme, ne do fokusohemi që të investojmë në vendet e rajonit. Vendet ku do të fokusohemi do të jenë Bosnja, Maqedonia dhe Greqia.

Continue Reading
Click to comment

Leave a Reply

Your email address will not be published. Required fields are marked *

Intervista

Nis mbledhja e Kryesisë

Published

on

Ka filluar mbledhja e Kryesisë së Kuvendit ku pritet të caktohet seanca e re plenare.

Në rend të ditës përveç përgatitjeve për seancë është edhe shqyrtimi i parë i Projektligjit për plotësimin dhe ndryshimin e Kodit të Procedurës Penale.

Në këtë mbledhje po marrin pjesë përfaqësuesit e gjitha grupeve parlamentare.

Ky është rendi i ditës:

I. Miratimi i procesverbaleve nga mbledhjet e mëparshme të Kryesisë së Kuvendit,

II. Përgatitjet për Seancë të re plenare:

1. Deklarimet jashtë rendit të ditës,

2. Pyetjet parlamentare,

3. Miratimi i procesverbaleve nga seancat e mëparshme,

4. Ndryshimi dhe plotësimi i Vendimit nr. 08-V-006, dt. 02.04.2021 për formimin e komisioneve parlamentare,

5. Shqyrtimi i parë i Projektligjit për plotësimin dhe ndryshimin e Kodit nr. 04/L-123 të Procedurës Penale, i ndryshuar dhe plotësuar me Ligjin Nr. 06/L -091.

III. Shqyrtimi i propozimeve dhe i kërkesave.n

Continue Reading

Intervista

Davide Sassoli kundërshton ashpër SuperLigën Evropiane: Futbolli i përket popullit

Published

on

Presidenti i Parlamentit Evropian që nga viti 2019 dhe tifoz i Fiorentinës, italiani David Sassoli shpjegon për L’Équipe kundërshtimin e tij për krijimin e Superligës Evropiane. Një projekt që ai e konsideron të papajtueshëm me modelin evropian.

“Si ndjekës i futbollit, tifoz i Fiorentinës dhe President i Parlamentit Evropian, si reaguat kur mësuat për krijimin e kësaj SuperLigë  ?

Në Evropë, futbolli i përket njerëzve, me një model të bazuar në drejtësi dhe solidaritet. Një nga nenet e traktateve evropiane i referohet dimensionit evropian të sportit, rreth bashkëpunimit dhe transparencës me organet kompetente në këtë fushë. Nisma e ndërmarrë nga këto klube të mëdha evropiane nuk i respekton këto parime. Ajo madje e kundërshton atë. Kjo është arsyeja pse unë jam fuqimisht kundër këtij projekti.

Deri në çfarë mase mund të ndërhyjnë institucionet dhe autoritetet evropiane në këtë çështje?

Ideja është të mbështesim të gjitha iniciativat e Ligave Kombëtare dhe autoriteteve për të shkuar në drejtimin e një sporti të hapur për të gjithë.

A mendoni se futbolli do ta humbte arritjen e tij popullore?

Në Evropë, ana pozitive e futbollit është se i përket popullit. Ishte mirë të shihje Leicester të fitonte Premier League (në 2016), të shihje një skuadër italiane si Sassuolo të shkonte nga Seria B në Serie A, ose të shihje, vetëm dje, Atalanta mundi Juventusin dhe t’i afrohej një kualifikim i ri në Champions League. Ky është futbolli.

Është gjithashtu një “amerikanizim” i një konkursi të identifikuar mirë me Evropën deri atëherë…

Po, ajo që paraqitet merr bazat e modelit amerikan, si në NFL ose NBA. Pa e kuptuar që nuk përfaqëson historinë tonë. Unë nuk dua të kritikoj modele që janë të ndryshme nga tonat, por ato janë të rrënjosura në traditën e tyre, në strukturat specifike ekonomike. Funksionon shumë mirë në Shtetet e Bashkuara, por nuk mund të zhvendoset këtu. Kjo Superligë do të kishte një vizion aristokratik dhe feudal, në të cilin merita nuk do të thoshte asgjë, ku të gjithë ata që punojnë shumë dhe në hije mund të kërkojnë vetëm mirësinë e elitës. Nuk është në përputhje me kulturën tonë sportive. ”

Continue Reading

Intervista

Instagrami kërkon falje që promovoi humbjen e peshës te përdoruesit që kanë çrregullim të ngrënies

Published

on

Rrjeti social Instagram ka kërkuar falje për “gabimin” në të cilin promovonte përmbajtje të humbjes së peshës te përdoruesit që kishin çrregullime në ngrënie.

Një tjetër alternativë e rrjetit social iu ofron përdoruesve sugjerime të kërkimit të termeve bazuar në interesat e tyre.

Por, disa njerëz me çrregullim në ngrënie kanë gjetur se ky aplikacion po i nxiste ata të kërkonin terme si “shtypës apetiti” në vend të termeve të  zakonshme, duke rritur rrezikun, shkruan The Guardian, përkthen Periskopi.

Facebook-u pranoi që përfshirja e të tilla termeve dëmtuese, që së pari u raportua në BBC, ishte shqyrtuar dhe se ishte larguar nga ata.

“Këto sugjerime, ashtu si rezultatet e kërkimit në vetvete, kufizohen në interesa të përgjithshme. Humbja e peshës nuk duhej të përfshihej mes tyre dhe ne kemi marrë masa që të parandalojmë këto terme së paraqituri. Kërkojmë falje për çdo konfuzion që kemi shkaktuar.” – ka shkruar rrjeti social.

Continue Reading

Trending