Connect with us

Intervista

Hoti: PDK është ‘emër i harruar’, me këto parti do të diskutojmë për formimin e Qeverisë

Published

on

 

Avdullah Hoti flet për përvojën e tij që për herë të parë në karrierën politike të udhëheq një proces zgjedhor duke u kandiduar për kryeministër.

Si e vlerëson Avdullah Hoti këtë proces tash pas shpalljes së rezultatit të zgjedhjeve të 11 Qershorit? A mund të jetë Presidenti “pengesë” për krijimin e Qeverisë së Kosovës në qoftëse PAN nuk arrin t’I ketë numrat. A do të kërkojë LAA interpretim nga Gjykata Kushtetuese për nenin 95 të krijimit të Qeverisë kur mandatari i parë nuk i ka numrat?

Kah po anon më shumë LDK-ja, kah PAN apo VV-ja?

Në një situatë hipotetike kur të dyja grupacionet politike PAN dhe VV do të pranojnë që LDK të udhëheh qeverinë, cila do të ishte preference më e mirë për LDK-në, me PAN apo me VV?

Kush po kontrabandon me deputetë dhe a do të arrijë që koalicioni PAN plus ndonjë deputet “I kontrabanduar”, VV + LDK të krijojë Qeverinë e Kosovës?

Për të gjitha këto dhe çështje të tjera, ka folur Avdullah Hoti kandidat i LDK-së për kryeministër.

Botapress: Z.Hoti, për herë të parë në karrierën tuaj politike keni udhëhequr një proces zgjedhor. Si e vlerësoni këtë proces tash pas shpalljes së rezultatit të zgjedhjeve të 11 Qershorit?

Avdullah Hoti: Ka qenë një përvojë unike për mua. Ka qenë nderë i veçantë dhe përgjegjësi t’i prij listës zgjedhore të LDK-së dhe koalicionit që ndërtuam me partnerët tanë. Për herë të parë i kemi dhënë fushatës zgjedhore në Kosovë një frymë tjetër, pozitive në përmbajtje, bazuar në program, pa fyerje të kundërshtarëve politik. Në përgjithësi është zhvilluar një fushatë e qetë. Rezultati zgjedhorë nuk është i favorshëm për asnjë forcë politike që të ndërtojë qeverinë në vete. Ky rezultat shtron nevojën e ndërtimit të koalicioneve.

Është për keqardhje që skena politike është polarizuar për shkak të veprimeve të papërgjegjshme të një force politike, që është PDK-ja. Jemi në një moment të veçantë të zhvillimeve politike në Kosovë. Asnjë forcë politike nuk dëshiron të bëjë koalicion me PDK-në dhe grupimin politik ku është PDK-ja. Prandaj, është në interes të zhvillimit demokratik të Kosovës dhe në të mirë të vetë PDK-së që ajo të dalë në opozitë për një kohë të gjatë dhe të reflektojë se çfarë ka bërë që po përballët me refuzim të përgjithshëm.

Nuk do ta lejojmë që presidenti të përdorë diskrecionin e tij në favor të PAN-it

Botapress: Presidenti mund të jetë “pengesë” për krijimin e Qeverisë së Kosovës në qoftë se PAN nuk arrin t’i ketë numrat. A do të kërkoni interpretim nga Gjykata Kushtetuese për nenin 95 të krijimit të Qeverisë kur mandatari i parë nuk i ka numrat?

Avdullah Hoti: Kushtetuta është e qartë, ashtu si edhe vendimet e Gjykatës Kushtetuese të vitit 2014. Nuk duhet të humbin kohë në krijimin e institucioneve. Nuk do të lejojmë koalicionin PAN dhe as Presidentin të mbajnë peng krijimin e institucioneve dhe vullnetin e qytetarëve, nëse koalicioni PAN nuk arrin të formojë Qeverinë. Ne do të përdorim të gjitha rrugët kushtetuese dhe ligjore që mos të lejojmë Presidentin të përdorë diskrecionin e tij në favor të një grupi politik prej nga vjen ai. Në këtë përpjekje do të kërkojmë mbështetjen edhe të grupeve tjera politike në Kuvendin e Kosovës.

Presidenti ka luajtur një rol që e cenon paanshmërinë e tij karshi forcave politike, duke punuar në bindjen e deputetëve që të nënshkruajnë mocionin e mosbesimit ndaj Qeverisë, duke u involvuar për të arritur koalicione parazgjedhore si dhe në fushatë në krah të PDK-së.

Asnjë bashkëpunim me PDK-në

Botapress: LDK nuk ka dalë fituese, por pa LDK-në apo koalicionin LAA nuk mund të krijohet Qeveria. Sipas rezultatit aktual, kah po anon më shumë LDK-ja, kah PAN apo VV-ja?

Avdullah Hoti: LDK-ja nuk është duke anuar në asnjërën anë. Jemi duke e analizuar rezultatin zgjedhor. Po komunikojmë brenda partisë. Po diskutojmë me grupin tonë parlamentar dhe me partnerët e koalicionit tonë.

Kemi vendosur kornizën tonë programore që na mundëson të shqyrtojmë koalicionet që mund të arrihen. Jemi të vendosur si LDK dhe si koalicion që të mos hyjmë në asnjë bashkëpunim me PDK-në. Jemi të hapur të shqyrtojmë partneritetet e tjera sapo të dështojë koalicioni PAN. Do të diskutojmë me AAK, Nismën dhe Vetëvendosjen mbi baza të programit që kemi si parti e qendrës së djathtë. Do të bëjmë përpjekje maksimale që të arrijmë bashkëpunim me këto parti, në mënyrë që vendit t’i japim një Qeveri stabile, me program të qartë, me qasje pro-evropiane dhe të sigurojmë perspektivën euro-atlantike të Kosovës. Asnjë parti tjetër nuk mund ta bëjë këtë përveç LDK-së.

Nuk e pranojmë as pozitën e kryeministrit nga PAN-i

Botapress: Në një situatë hipotetike kur të dyja grupacionet politike PAN dhe VV do të pranonin që LDK të udhëheq qeverinë, cila do të ishte preference më e mirë për LDK-në, me PAN apo me VV?

Avdullah Hoti: Më lejoni të qartësoj edhe një herë. Me PAN nuk hyjmë në asnjë koalicion, cilido qoftë pozicioni i LDK-së në atë Qeveri. Me partitë e tjera jemi të hapur. Por, para se të bisedojmë për pozitat në Qeveri duhet të dakordohemi për programin qeverisës. Ne jemi parti e qendrës së djathtë dhe do të sigurohemi se programi qeverisës ruan këtë qasje. Ne jemi anëtar i Partive Popullore Evropian, që është grupimi më i madh politik në BE i partive të qendrës së djathë, dhe duhet të sigurohemi se programi qeverisës është në përputhje me parimet programe të PPE-së.

PAN ka fuqi financiare për të kontrabanduar deputetë, por nuk ka të tillë në mesin e LDK-së

Botapress: Janë përmendur koalicione PAN plus ndonjë deputet “I kontrabanduar”, VV + LDK. Por, a ka edhe ndonjë “matematikë” tjetër të krijimit të Qeverisë së Kosovës.

Avdullah Hoti: Deklarimet e zyrtarëve të koalicionit PAN se i kanë votat për formimin e qeverisë duke kontrabanduar dy-tre deputetë nga partitë e tjera përbëjnë fyerje për qytetarët e Kosovës. Kjo më së mirë tregon modelin e qeverisjes që mund të ofrojë ky koalicion, pra model i qeverisjes së kontrabanduar. Atë që duhet të bëjë ky koalicion është të analizojë se çfarë po ndodh që askush nuk dëshiron të bashkëpunojë me ta. AAK dhe Nisma duhet të reflektojnë për këtë në veçanti dhe të tërhiqen nga ai koalicion sa më parë, sepse fat i tillë në të ardhmen mund t’i gjejë edhe këto parti sikurse PDK-në.

Disa nga deputetët tanë po fyhen duke ju përmendur emrat në media se do ta mbështesin koalicionin PAN, pra se janë kontrabanduar. Sigurisht se koalicioni PAN ka mjaft fuqi financiare për të kontrabanduar deputetë, por nuk ka të tillë në mesin e LDK-së dhe të koalicionit tonë.

Qeveria e ardhshme mund të formohet me disa koalicione të mundshme që e lënë jashtë PDK-në. Ne do të angazhohemi që sapo të dështojë koalicioni PAN të ndërtojmë këto koalicione mbi bazën e platformës politike të LDK-së, si parti e qendrës së djathtë.

 

Continue Reading
Click to comment

Leave a Reply

Your email address will not be published. Required fields are marked *

Intervista

Nis mbledhja e Kryesisë

Published

on

Ka filluar mbledhja e Kryesisë së Kuvendit ku pritet të caktohet seanca e re plenare.

Në rend të ditës përveç përgatitjeve për seancë është edhe shqyrtimi i parë i Projektligjit për plotësimin dhe ndryshimin e Kodit të Procedurës Penale.

Në këtë mbledhje po marrin pjesë përfaqësuesit e gjitha grupeve parlamentare.

Ky është rendi i ditës:

I. Miratimi i procesverbaleve nga mbledhjet e mëparshme të Kryesisë së Kuvendit,

II. Përgatitjet për Seancë të re plenare:

1. Deklarimet jashtë rendit të ditës,

2. Pyetjet parlamentare,

3. Miratimi i procesverbaleve nga seancat e mëparshme,

4. Ndryshimi dhe plotësimi i Vendimit nr. 08-V-006, dt. 02.04.2021 për formimin e komisioneve parlamentare,

5. Shqyrtimi i parë i Projektligjit për plotësimin dhe ndryshimin e Kodit nr. 04/L-123 të Procedurës Penale, i ndryshuar dhe plotësuar me Ligjin Nr. 06/L -091.

III. Shqyrtimi i propozimeve dhe i kërkesave.n

Continue Reading

Intervista

Davide Sassoli kundërshton ashpër SuperLigën Evropiane: Futbolli i përket popullit

Published

on

Presidenti i Parlamentit Evropian që nga viti 2019 dhe tifoz i Fiorentinës, italiani David Sassoli shpjegon për L’Équipe kundërshtimin e tij për krijimin e Superligës Evropiane. Një projekt që ai e konsideron të papajtueshëm me modelin evropian.

“Si ndjekës i futbollit, tifoz i Fiorentinës dhe President i Parlamentit Evropian, si reaguat kur mësuat për krijimin e kësaj SuperLigë  ?

Në Evropë, futbolli i përket njerëzve, me një model të bazuar në drejtësi dhe solidaritet. Një nga nenet e traktateve evropiane i referohet dimensionit evropian të sportit, rreth bashkëpunimit dhe transparencës me organet kompetente në këtë fushë. Nisma e ndërmarrë nga këto klube të mëdha evropiane nuk i respekton këto parime. Ajo madje e kundërshton atë. Kjo është arsyeja pse unë jam fuqimisht kundër këtij projekti.

Deri në çfarë mase mund të ndërhyjnë institucionet dhe autoritetet evropiane në këtë çështje?

Ideja është të mbështesim të gjitha iniciativat e Ligave Kombëtare dhe autoriteteve për të shkuar në drejtimin e një sporti të hapur për të gjithë.

A mendoni se futbolli do ta humbte arritjen e tij popullore?

Në Evropë, ana pozitive e futbollit është se i përket popullit. Ishte mirë të shihje Leicester të fitonte Premier League (në 2016), të shihje një skuadër italiane si Sassuolo të shkonte nga Seria B në Serie A, ose të shihje, vetëm dje, Atalanta mundi Juventusin dhe t’i afrohej një kualifikim i ri në Champions League. Ky është futbolli.

Është gjithashtu një “amerikanizim” i një konkursi të identifikuar mirë me Evropën deri atëherë…

Po, ajo që paraqitet merr bazat e modelit amerikan, si në NFL ose NBA. Pa e kuptuar që nuk përfaqëson historinë tonë. Unë nuk dua të kritikoj modele që janë të ndryshme nga tonat, por ato janë të rrënjosura në traditën e tyre, në strukturat specifike ekonomike. Funksionon shumë mirë në Shtetet e Bashkuara, por nuk mund të zhvendoset këtu. Kjo Superligë do të kishte një vizion aristokratik dhe feudal, në të cilin merita nuk do të thoshte asgjë, ku të gjithë ata që punojnë shumë dhe në hije mund të kërkojnë vetëm mirësinë e elitës. Nuk është në përputhje me kulturën tonë sportive. ”

Continue Reading

Intervista

Instagrami kërkon falje që promovoi humbjen e peshës te përdoruesit që kanë çrregullim të ngrënies

Published

on

Rrjeti social Instagram ka kërkuar falje për “gabimin” në të cilin promovonte përmbajtje të humbjes së peshës te përdoruesit që kishin çrregullime në ngrënie.

Një tjetër alternativë e rrjetit social iu ofron përdoruesve sugjerime të kërkimit të termeve bazuar në interesat e tyre.

Por, disa njerëz me çrregullim në ngrënie kanë gjetur se ky aplikacion po i nxiste ata të kërkonin terme si “shtypës apetiti” në vend të termeve të  zakonshme, duke rritur rrezikun, shkruan The Guardian, përkthen Periskopi.

Facebook-u pranoi që përfshirja e të tilla termeve dëmtuese, që së pari u raportua në BBC, ishte shqyrtuar dhe se ishte larguar nga ata.

“Këto sugjerime, ashtu si rezultatet e kërkimit në vetvete, kufizohen në interesa të përgjithshme. Humbja e peshës nuk duhej të përfshihej mes tyre dhe ne kemi marrë masa që të parandalojmë këto terme së paraqituri. Kërkojmë falje për çdo konfuzion që kemi shkaktuar.” – ka shkruar rrjeti social.

Continue Reading

Trending