Connect with us

Shëndeti

Dhjetë arsyet që jua dëshmojnë se përse dita e hënë nuk duhet të jetë e mërzitshme

Published

on

E hëna mund ta bëjë humorin tuaj të zymtë, edhe në ditë me diell. Lajmi i mirë? Një libër i ri ka nxjerrë përfundimin se ‘humori i keq’ mund të jetë i mirë për ne, duke studiuar hormonet femërore. Në librin “Moody Bitches”, i cili pritet të kthehet shumë shpejt në best-seller, thuhet se ndryshimi i humorit (faleminderit hormoneve) mund të jetë në fakt, gjëja më e mirë që mund të na ndodhë.

Ja pse Dr. Julie Holland mendon se “Mërzia e të hënës” është fenomen jo i dëmshëm, përkundrazi…

Kjo është krejtësisht e natyrshme. Kështu jemi gatuar.

Gratë ndjejnë më shumë, dhe për arsyeje të mira. Truri i gruas ka evoluar në mënyrë të tillë që të inkurajohet empathia, intuita, ndjeshmëria. Ne sjellim në jetë edhe qenie. Aftësia jonë për t’i njohur dhe për t’iu përgjigjur nevojave dhe humorit të të tjerëve është thelbësore për mbijetesën e tyre dhe tonën. Ne duhet ta kapim kur fëmija ynë është në rrezik ose në nevojë, apo kur një burrë pranë nesh mund të ketë qëllime të këqija.

Të jesh e ndjeshme ndaj rrethanave është të dish të përshtatesh.

Hormonet tona natyrshëm lëvizin nivelin e tyre, duke reflektuar kështu edhe fertilitetin. Gratë e njohin ndryshimin (e jetojmë çdo ditë atë) dhe ai është një aset. Fluiditeti ynë na bën më elastike. Për të qenë plotësisht produktive, na duhet të përmirësojmë balancën mes qëndrueshmërisë dhe fleksibilitetit. Të bllokohesh në të njëjtën mënyrë të të menduari, apo të kesh artificialisht rritje të vazhdueshme të serotoninës dhe estrogjenit, mund të bëhet e qëndrueshme, por kjo nuk është e natyrshme apo fleksibël, dhe për këtë arsye, as e përshtatshme.

Cikli i fertilitetit, SPM (Sindroma Paramenstruale), mund ta thjeshtëzojnë jetën tuaj. 

‘Pakënaqësia’ e përmuajshme (një herë në muaj) në fakt, është dhuratë. Ajo që unë diskutoj gjithnjë me pacientet e mia është se mendimet dhe ndjenjat që dalin në pah gjatë kësaj faze të ciklit janë të vërteta; genuine. Nëse ju ndiheni e dërrmuar apo e nënvlerësuar, shanset janë që kjo të jetë e vërtetë. Unë them, le të jetë ky një mësim. Ndoshta gjendja do të përmirësohet në pjesën tjetër të muajit.

Të thuash ‘jo’ është mirë për ju. 

Vini re se në momentet kur ju duhet të merrni vendime të vështira lidhur me çfarë do hani, ku do të ushtroheni dhe ku do të flini, ju thjesht, po kujdeseni për veten. Ka një kohë kur mundeni të jeni e ndjeshme në lidhje me nevojat dhe dëshirat e të tjerëve, dhe ka edhe një kohë kur ju duhet të merreni me veten. Si luani mëmë që mbron këlyshët e saj, bëhuni agresive kur është puna për kohën që duhet të jetë vetëm juaja! Gratë, shpesh janë dhuruese të mëdha, gati martire. Jeta nuk është gjithmonë pët të kënaqur të tjerët. Mos u bëni një akomoduese patologjike. Praktika na mëson se është mirë kur themi ‘jo’!

Pika juaj e parë e mbrojtjes duhet të jetë vetvetja.

Bëhuni mbrojtësja më e madhe e vetes tuaj. Ju meritoni kohë, kënaqësi, dhe dëshirat tuaja kanë rëndësi. Plotësojeni oreksin dhe trupin me ushqim, seks dhe gjumë. Mjaft e stërmbushët jetën tuaj me ‘duhet’. Gjeni gjërat më të shëndetshme që ju bëjnë mirë shpirtërisht. Jepjuni vetes tërësisht, pa ndrojë. Asgjë e shëndetshme nuk rritet me vetë-urrejtje dhe mospranim.

Burrat nuk mund t’i dinë rreth ndjeshmërisë suaj nëse ju nuk hapeni.

Ta lini veten të qani/qaheni mund të jetë e rëndësishme në lidhje me komunikimin me partnerin. Gratë e kanë më të lehtë ta perceptojnë mërzinë e tjetrit, në 90 % të kohës. Ndërkaq, burrat, vetëm në 40 %. Kjo është më pak se probabiliteti për t’i rënë në të duke hedhur një monedhë. Për këtë arsye, është shumë më e frytshme nëse ju e verbalizoni problemin, ia thoni atë burrit tuaj. Ata thjesht nuk kanë aq intuitë sa ne për t’i kuptuar drejtë disa gjëra.

Duhet t’i lini njerëzit t’ju shohin edhe kur qani. Nuk ka ndonjë problem as kur ju shohin kolegët.

Nëse ndiheni të frustruara dhe ju vjen të lotoni, atëherë, thjesht, lëshojeni veten: qani! Kjo është më e shëndetshme sidoqoftë. Ndonjëherë, kjo mund t’i bëjë të tjerët të kuptojnë se nuk duhet t’ju kishin lënduar emocionalisht aq shumë…

Ndrydhja e ndjesive mund t’ju sëmurë.

Kjo është jetike. Lërini ndjenjat të dalin hapur, bën mirë për shëndetin. Të jesh origjinale në vepra dhe fjalë, të bëni atë që ndjeni, në vend të asaj ‘që duhet’, mund të përmirësojë shëndetin tuaj. Kjo është e vërtetuar: Disa shtypje mund të shkaktojnë sëmundje te gratë. Anti-emocionaliteti është shkaku numër një i kancerit. Të silleni në të njëjtën linjë me atë që ndjeni do t’ju ndihmojë të ulni nivelin e stresit.

Origjinaliteti është tërheqës.

Shko përpara, bëhu vetvetja, fol me sinqeritet dhe ndiq shijet personale. Sillu natyrshëm. Të gjithë kemi potencialin për të qenë më të fuqishëm gjatë jetëve tona. Mjaft luajtët me porta të vogla. Kjo nuk ndihmon askënd. Shkëlqeni! Nëse mësoni të përdorni edhe humorin e ndjeshmërinë tuaj për këtë, do të arrini fuqi të mëdha fizike, profesionale dhe shpirtërore.

‘Kuçkat’ mbarojnë punë.

Ndonjëherë do ju duhet të shprehni pakënaqësinë përpara se të tjerët t’ju dëmtojnë. Në disa raste të tjera, ju duhet të thoni ‘jo’. Duhet të qëndroni produktive dhe të mos e harroni listën e ‘gjërave që duhen bërë’.

Të ndjesh negativitetin gjithashtu mund t’ju sjellë gëzim.

Të jesh empatike dhe e lidhur me njerëzit është një ndër lumturitë më të mëdha që dikush mund të ketë në jetë, si qenie njerëzore. Ndryshimi i humorit shkon krah për krah me lumturinë dhe nuk mund ta keni njërën pa tjetrën.

Continue Reading
Click to comment

Leave a Reply

Your email address will not be published. Required fields are marked *

Shëndeti

Bajamet, racioni më i mirë kundër lodhjes e plakjes

Published

on

Të mbushura me mirësi natyrore, vitamina dhe minerale, dihet se bajamet sjellin shumë përfitime shëndetësore dhe mund të luajnë një rol të rëndësishëm në rutinën e përditshme të mirëqenies dhe bukurisë.

Të pasura me zink, riboflavin dhe niacin, ato përmbajnë të gjitha elementet që kontribuojnë në ruajtjen e lëkurës, si dhe thonjtë dhe flokët. Trajtimi i vetes me një meze të lehtë me bazë bajame është gjithashtu një zgjidhje e shijshme për të mbushur bateritë tuaja dhe për të zvogëluar lodhjen, shkruan panorama. Bajamet, në fakt, janë një koncentrat i ushqyesve që e mbushin metabolizmin me energji.

Në veçanti, një racion i vogël me 23 bajame (rreth 160 kalori) siguron 60% të dozës së rekomanduar ditore të vitaminës E, e cila ndihmon në mbrojtjen e qelizave nga stresi oksidativ, i shkaktuar nga faktorët mjedisorë si rrezet UV, ndotja, tymi i cigareve dhe faktorë të tjerë mjedisorë.

 

Continue Reading

Shëndeti

Rëndësia e farave të zeza kundër sëmundjeve të mushkërive

Published

on

Fara e zezë është përdorur prej shekujsh si një trajtim natyral kundër një sërë problemesh shëndetësore, përfshirë këtu bronkitin apo diarrenë. Disa nga vlerat e farave të zeza janë të listuara më poshtë:

Antioksidantët

Studimet kanë treguar se antioksidantët kanë një ndikim të fortë kundër shumë sëmundjeve siç janë kanceri, diabeti, sëmundjet e zemrës dhe mbipesha. Fara e zezë janë shumë të pasura me antioksidantë dhe vetëm vaji esencial i tyre shërben si antioksidant fuqiplotë.

Kolesteroli

Fara e zezë janë veçanërisht efikase kundër nivelit të lartë të kolesterolit të keq i cili është përgjegjës për një sërë sëmundjesh. Vlerat kundër kolesterolit janë vërejtur në studime klinike të vajit esencial dhe pluhurit të farave të zeza.

Infeksionet

Bakteret janë përgjegjëse për një sërë infeksionesh përfshirë ato të veshit apo pneumoninë.

Studimet tregojnë se fara e zezë përmban substanca mirëbërëse kundër disa llojeve të baktereve, përfshirë këtu Stafilokoku, i cili ka rezistencë të lartë ndaj disa antibiotikëve.

Shëndeti i mëlçisë

Mëlçia është një organ shumë i rëndësishëm për pastrimin nga toksinat dhe metabolizimin e barnave.

Fara e zezë kanë potencial në mbrojtjen e mëlçisë dhe pastrimin e saj nga toksinat.

Sheqeri në gjak

Niveli i sheqerit në gjak duhet mbajtur nën kontroll për të parandaluar jo vetëm dëmtimet nervore por edhe progresin e shumë sëmundjeve të rënda.

Studimet tregojnë se farat e zeza në variantin e suplementëve, kanë potencial për të ulur nivelin e sheqerit në gjak dhe për të shmangur efektet anësore të tij.

Farat e zeza përdoren shumë jo vetëm në mjekësinë popullore por edhe në kuzhinë dhe konsiderohen një variant i shëndetshëm në rutinën tuaj ushqimore.

Continue Reading

Shëndeti

Tetë këshilla për një sistem më të fortë imunitar kur agjëroni në Ramazan

Published

on

Përveç sfidës për të agjëruar për 12+ orë gjatë ditës, këtë vit, sikurse para këtij viti, myslimanët kanë sfidën e shtuar për të mbajtur sistemet e tyre imune në funksionin optimal – sidomos mes pandemisë së shkaktuar nga COVID-19.

Në këtë drejtim, shumë media i kanë kushtuar rëndësi kësaj pjese, duke marrë mendimet e specialistëve.

Kështu, edhe Daily Sabah, ka folur me një specialiste dietike dhe psikologen klinike Merve Öz, e cila ka ndarë këshillat e saj për tu siguruar që të keni Ramazanin më të shëndetshëm të mundshëm duke ruajtur peshën tuaj dhe duke e mbajtur të fortë sistemin imunitar.

Të hani apo jo syfyr?

Duke përsëritur se të dy sistemet për të cilat trupi ka nevojë për më shumë energji janë sistemi imunitar dhe sistemi i tretjes, Öz tha se agjërimi lejon trupin të përqendrojë energjinë e tij në një në një, dhe kështu ndalimi i tretjes për një periudhë specifike lejon sistemin imunitar të jetë më aktiv.

Kjo do të lejojë trupin të riparojë qelizat dhe të luftojë më mirë mikrobet.

Öz thotë se mes syfyrit dhe iftarit është koha kur sistemi imunitar do të jetë më aktiv, por për ta siguruar këtë, ajo theksoi domosdoshmërinë e ngritjes për të ngrënë një vakt të shëndetshëm syfyri, pa marrë parasysh sa të prirur të jeni të ktheheni për të fjetur.

“Nëse nuk ngriheni për syfyr, trupi juaj do të stresohet për shkak të një periudhe të zgjatur urie, e cila mund të zvogëlojë imunitetin tuaj”, thotë ajo.

Çfarë ushqimesh të zgjidhni

Kur bëhet fjalë për ndërtimin e një diete të shëndetshme gjatë Ramazanit, çelësi është që të shkoni me ushqime më të lehta, por të “plota” që do të ndihmojnë trupin tuaj të plotësojë të gjithë lëndët ushqyese që mund të humbni gjatë gjithë ditës.

Mundohuni që në tryezën tuaj të keni të përfshirë të gjitha grupet thelbësore të ushqimit – drithëra, perime dhe fruta, bishtajore, arra, qumështore ose alternativa dhe burimet tuaja të proteinave.

“Një supë ushqyese, vezë, djathë, ullinj, zarzavate, tranguj, domate do të ishte ideale”, thotë Öz.

Sidoqoftë, ajo rekomandon konsumimin e vezëve, “një nga burimet më të mira të proteinave”, së bashku me miellin e tërshërës ose grurit për të rritur ngopjen dhe për të larguar urinë për më shumë kohë.

Shkoni me supa dhe sallata

“Pasi të prisni agjërimin dhe të hani supën tuaj, bëni një pushim për 15 minuta dhe pastaj kaloni në pjatën kryesore”, thotë Öz.

Meqenëse truri juaj nuk do të regjistrojë sinjalin që jeni duke u ngopur deri pas 20 minutash, pushimi para se të hani përsëri ju ndihmon të ngadalësoni dhe t’ju japë më shumë kontroll mbi pjesët tuaja.

Supa është një zgjedhje veçanërisht e shkëlqyeshme për fillestarët pasi ndihmon trupin tuaj të përshtatet ngadalë me ndjenjën e ngopjes dhe parandalon një rritje të papritur të sheqerit në gjak, përcjell Telegrafi.

Öz gjithashtu rekomandon që të keni një “ndihmë” të mirë të sallatës si një anë e vaktit tuaj kryesor në iftar. Jo vetëm që zarzavatet dhe perimet në sallatë do të mbushin stomakun tuaj me vëllimin e tyre, por sallatat gjithashtu ju parandalojnë të konsumoni shumë kalori në të njëjtën kohë.

“Fibrat që merrni nga sallatat do t’ju ndihmojnë të lehtësoni përtacinë e zorrëve”, shton ajo.

Merrni antioksidantë

Antioksidantët në ushqime, veçanërisht frutat dhe perimet, mund të ndihmojnë në parandalimin e dëmtimit të qelizave, duke rritur sistemin imunitar.

Kjo është arsyeja pse konsumimi i frutave si një meze të lehtë ndërmjet iftarit dhe syfyrit rekomandohet shumë.

“Frutat janë gjithashtu të pasura me fibra, të cilat lehtësojnë funksionimin e sistemit të tretjes dhe krijojnë një mjedis të përshtatshëm që bakteret e dobishme të lulëzojnë në zorrë. Dhe sa më shumë baktere të dobishme të kemi në zorrë, aq më i fortë do të jetë imuniteti ynë”, thotë Öz.

Kur bëhet fjalë për ëmbëlsira, përpiquni të shkoni për fruta sa më shumë që të jetë e mundur, shton ajo.

Jo të gjithë karbohidratet janë krijuar në mënyrë të njëjtë

Öz thotë se duhet të përpiqeni të përmbaheni nga gjërat e pjekura dhe pastat sa më shumë që të jetë e mundur gjatë këtij muaji.

Shtimi i shpejtë i peshës dhe mbipesha gjithashtu mund t’ju bëjë të ndjeshëm ndaj shumë sëmundjeve, duke përfshirë sëmundjet e zemrës dhe diabetin dhe mund të nënkuptojë rezultate më të këqija nga COVID-19.

Prandaj, dietologët i kushtojnë rëndësi të madhe qëndrimit në një peshë të shëndetshme, veçanërisht gjatë Ramazanit.

Pini të paktën 1.5 litra ujë

Uji është i domosdoshëm për një sistem të fortë imunitar pasi i mban të gjitha sistemet në trup të funksionojnë si duhet.

Dhe Öz thotë: “Uji gjithashtu ndihmon në heqjen e toksinave nga trupi, transportimin e lëndëve ushqyese në qelizat tona dhe neutralizon bakteret dhe viruset”.

Ajo gjithashtu paralajmëron kundër mos konsumimit të mjaftueshëm të ujit kur pini çaj, kafe ose pije të tjera me kafeinë.

Këto pije mund t’ju japin përshtypjen e gabuar se jeni duke përmbushur marrjen tuaj të përditshme të ujit, megjithatë, kafeina dehidraton trupin dhe vepron si diuretik, që do të thotë që shpejton sekretimin e ujit nga trupi.

Disa mjekë rekomandojnë të pini një filxhan ujë për çdo filxhan kafe që pini për të kompensuar këtë efekt.

Rishikoni probiotikët

Nëse ka një pije që Öz rekomandon që njerëzit të shtojnë në dietat e tyre gjatë Ramazanit, është kefir (një pije e qumështit të thartuar me një shije të thartë).

Falë probiotikëve që përmban, kefiri ka një efekt shumë të thellë që forcon imunitetin, thotë ajo.

“Kefiri, i cili rregullon florën e zorrëve, ndihmon gjithashtu në zbutjen e kapsllëkut, një problem me përvojë gjerësisht në Ramazan. Përveç kësaj, kefiri ka një indeks të ulët glicemik dhe përmbajtje të lartë të proteinave, duke ju bërë të ndiheni më të ngopur për më shumë kohë”.

Çështja e stërvitjeve

Megjithëse stërvitja mund të jetë gjëja e fundit që dëshironi të bëni kur agjëroni, mjekët rekomandojnë të paktën 30 minuta aktivitet për të mbajtur trupin tuaj në formë, për të ndihmuar tretjen dhe forcuar sistemin tuaj imunitar.

Duke përsëritur se mbajtja aktive ishte një nga faktorët më të rëndësishëm për të ndërtuar imunitetin, Öz tha se e bën këtë duke mbështetur shëndetin fizik dhe mendor.

Nëse nuk keni kushte fizike që ju pengojnë ta bëni këtë, të paktën përpiquni të ecni 30 minuta çdo ditë pa u lodhur shumë, tha ajo.

Shumica e mjekëve rekomandojnë që të përmbaheni nga stërvitjet me intensitet të lartë gjatë agjërimit dhe të ushtroni një ose dy orë pas ngrënies për të parandaluar tretjen e ushqimit.

Një shëtitje e shpejtë është ushtrimi më i rekomanduar, me mjekët që e rekomandojnë atë ose një ose dy orë para iftarit ose pas vaktit të iftarit.

Continue Reading

Trending