Connect with us

Uncategorized

Certifikohen 57 auditorë të sektorit publik

Në një ceremoni të organizuar nga Zyra Kombëtare e Auditimit 57 punonjës të saj u pajisën me certifikata profesionale të auditimit.

Published

on

“Zyra e Auditorit të Përgjithshëm përmes programit të saj ka arritur ngritjen profesionale të personelit. 57 prej tyre pajisen me certifikatën e auditorit të certifikuar të sektorit publik. Kjo padyshim është një arritje e madhe për një institucion të ri për nga mosha, por jo për nga përvoja dhe rezultatet e arritura deri më tani,” tha auditori i përgjithshëm Besnik Osmani.

Në ceremoninë e certifikimit të auditorëve ishte i pranishëm edhe Presidenti Hashim Thaçi.

Thaçi tha se forcimi i Zyrës Kombëtare të Auditimit i ndihmon llogaridhënies së institucioneve.

“Zyra Kombëtare e Auditorit sot është një institucion i rëndësishëm dhe kredibil i vendit që kontribuon në përmirësimin e qeverisjes dhe rritjen e llogaridhënies në institucionet publike,” tha Thaçi.

Presidenti më tutje tha se ligji i ri për Auditorin e Përgjithshëm dhe Zyrën Kombëtare të Auditimit do t’i ndihmojë pavarësisë së këtij institucioni.

“Ligji i ri avancon edhe më tej pavarësinë funksionale dhe financiare të auditimit dhe si President i vendit pres avancim dhe ngritje të kapaciteteve të kësaj zyreje,” tha Thaçi.

Në këtë ceremoni të pranishëm ishin edhe auditorët nga Shqipëria, Maqedonia dhe Mali i Zi të cilët e cilësuan progres  ngritjen e kapaciteteve të personelit të Zyrës Kombëtare të Auditimit.

Continue Reading
Click to comment

Leave a Reply

Your email address will not be published. Required fields are marked *

Uncategorized

Ahmeti thotë se rruga me kallderm nuk u mbulua me asfalt

Published

on

Një fotografi që po qarkullon në rrjetet sociale ku shihet se si rruga “Emin Duraku”, në Prishtinë është mbuluar kalldermi më asfalt, del të jetë e pavertetë.

Kështu ka bërë të ditur kryetari i komunës, Shpend Ahmeti, i cili tha se nuk janë mbuluar kalldermat në pjesën e qytetit të vjetër të Prishtinës.

“Nuk jane mbulu kalldermat jo.”, ka shkruar Ahmeti mbi fotografinë e rrugës me kallderm./Periskopi/

 

Continue Reading

Uncategorized

Lojtarët e Leeds me një mesazh para ndeshjes me Liverpoolin: Futbolli është për tifozët

Published

on

Tema kryesore që nga dita e djeshme mbetet Superliga Evropiane.

Superliga Evropiane u formua dje nga 12 gjigantë evropianë, por UEFA dhe FIFA mbesin kundër dhe janë duke provuar që klubet që marrin pjesë në Superligë të përjashtohen nga të gjitha kompeticionet, përcjellë lajmi.net.

Shumë lojtarë dhe trajnerë gjithashtu janë kundër formimit të kësaj lige, ngase lojtarëve nuk do iu lejohet të përfaqësojnë shtetet e tyre.

Sidoqoftë, klubi anglez Leeds United gjithashtu ka dërguar mesazh para ndeshjes me Liverpoolin.

Lojtarët kanë dal në fushë për të bërë nxehje, derisa në fanellat e tyre shkruan: “Futbolli është për tifozët”.

Vendimi përfundimtar lidhur me Superligën Evropiane do mësohet këto ditë.

Continue Reading

Uncategorized

Procesi mësimor nga nesër vazhdon në objekte, Nagavci kërkon respektimin e rekomandimeve

Published

on

Ministrja e Arsimit, Arbërie Nagavci ka thënë se Qeveria e Kosovës ka vendosur që prej nesër, në të gjitha institucionet publike dhe private, procesi arsimor në të gjitha nivelet e arsimit, vazhdon sipas udhëzuesit të përgjithshëm të MASHTI-t për organizimin e mësimit në kushtet e pandemisë Covid-19.

Nagavci ka shkruar në Facebook se konviktet do të lejohen të punojnë sipas rregullit, një dhomë një student.

“Në bazë të këtij vendimi, të gjitha institucioneve publike dhe private në të gjitha nivelet e arsimit, iu ndalohet organizimi i aktiviteteve jashtë mësimore, siç janë ekskursionet, shëtitjet grupore, ahengjet e ndryshme të stafit mësimor apo të nxënësve e studentëve. Ju bëj thirrje për respektim të masave në mënyrë që ta ruajmë shëndetin tonë dhe të tjerëve. Ju lutem mbajeni distancën, dezinfektoni duart dhe vendoseni maskën sipas rekomandimeve. Shëndet e suksese të gjithëve”, ka shkruar ajo.

Continue Reading

Trending