Connect with us

Showbiz

Babai i Stresit: Presion mbi djalin tim sepse jemi kundërshtarë të PS’së

Duket se problemet e reperit me drejtësinë këtë herë kanë shqetësuar edhe familjen e tij.

Published

on

 

Pas shoqërimit në polici dy ditë më parë, babai i Stresit, Sali Lushaj, ka vendosur të flasë për herë të parë për “Bluetooth”, duke rrëfyer arsyet e vërteta të këtij sulmi ndaj të birit.

Sipas Lushajt, gjithçka ka ndodhur për të provokuar pikërisht atë. Në intervistën e dhënë, ai shprehet se këto ngjarje kanë prapavijë politike. “Të gjithën këtë e bëjnë tek im bir, si një lloj presioni që të më trembin mua, familjen, duke e ditur që jemi kundërshtarë politikë të PS”, akuzon babai i Arkimedit, i njohur për lidhjet e tij me Partinë Demokratike. Babai i reperit shprehet se kjo situatë ka kohë që vijon dhe porosia e vetme që ai gjithnjë i jep të birin është t’i bindet forcave të rendit. Sali Lushaj shprehet se urdhrat për të ndaluar të birin nuk vijnë nga policët e thjeshtë, por nga dikush më i rëndësishëm…

Arrestimet e shpeshta të Stresit kanë shqetësuar edhe familjen…

Po, shumë. Unë isha në Tropojë kur më telefonon bashkëshortja dhe më thonë që arrestuan Stresin. Arsyeja ishte vendimi i gjykatës dhënë pak ditë më parë. Edhe policia e dinte shumë mirë që vendimi është ekzekutuar, është në liri me kusht. Të gjithën këtë e bëjnë tek im bir, si një lloj presion që të më trembin mua, familjen, duke e ditur që jemi kundërshtarë politikë të PS.

Kundërshtar të Partisë Socialiste ka shumë, pse e kanë pikërisht me familjen Lushaj?

Nuk e di pse e kanë kapur me ne. Ndoshta s’kanë ç’më të më bëjnë mua dhe merren me djalin, presin që t’i provokojë, që nga rasti ku Stresi u largua nga komisariati. Unë kam shumë miq edhe në polici dhe më kanë thënë që duan provokimin më të vogël. Unë vetë i kam thënë Stresit që bindu, nëse policia të ndalon. Duhet t’i bindesh asaj që ata thonë. Nuk ka faj policia në këtë mes.

Në fakt, mendoni se vetë Stresi “i jep material”, pra bën një shkelje që e shoqërojnë?

Jo fare, asnjëherë. Dhe policia është treguar korrekte. Ka ardhur e ka shoqëruar, por janë sjellë mirë. Por janë ata që i urdhërojnë.

Kush i urdhëron, keni një emër që fshihet pas këtyre arrestimeve?

S’mund ta bëjë as shefi i komisariatit, është punë drejtorie, pra më lartë sesa policia.

 

Pse e kanë pikërisht me Stresin, djalin tuaj?

 

Ndoshta se me mua nuk do t’ia dilnin. Më kanë provokuar një natë, më ra dikush me makinë, më çuan në komisariat, më mbajtën shtatë orë pa asnjë arsye dhe në fund më liruan.

 

A ndjeheni të kërcënuar nga kjo situatë?

 

Kërcënimi është i përgjithshëm. Unë kështu kam qenë që 15, 16 vjeç, që në kohën e Enverit, rebel. Kurrë s’kam ofenduar një polic, apo të kem bërë diçka të gabuar. Edhe në kohën e Nanos më kanë arrestuar, por ka kaluar pa problem, sepse jam sjellë mirë me ta. Edhe Stresi sillet mirë, pasi unë vetë e porosis çdo ditë, që në çdo kohë të vijë policia, të sillet konform ligjit.

 

Keni menduar për një padi ndaj kësaj padrejtësie që ju bëhet?

 

Jo, është e kotë që të vërtitesh nëpër gjykata për këtë çështje. Edhe policia ndjehet keq, teksa e dinë edhe vetë që janë në gabim, por janë të urdhëruar. Policia vetë është e pafajshme.

 

Si e keni menduar ta zgjidhni këtë situatë, pasi Stresin po e shoqërojnë shpesh?

 

As vetë nuk e di. Është një situatë absurde.

 

Ju vetë i keni parë daljet publike të Stresit, me hashash, ia keni “tërhequr veshin”, për këto demonstrime?

 

Po, e kam parë. Në fakt, një pjesë të mirë edhe ia botojnë. Nuk them që ky vetë nuk ka bërë të tilla foto, por shpeshherë edhe është abuzuar me këtë çështje.

 

Si do të vijojë kjo historia e Stresit, keni menduar ta largoni nga Shqipëria?

 

Stresi është një person i lirë tanimë, pse të largohet?! Si për çdo prind, për mua Stresi është djali më i mirë. Unë kurrë s’e kam lënë të ngacmojë një njeri, madje edhe këtë e ka pjesë të karakterit të vet. Përse nuk është ankuar kurrë një qytetar për të?

 

Në fakt në mediat shfaqet si një natyrë rebele, si është Stresi në shtëpi?Është shumë i urtë, shumë i respektueshëm. Edhe në lagje të gjithë kanë respekt për të.

 

Përse është krijuar ideja e një “bad boy”?

 

S’di çfarë të them për këtë.

 

Ndoshta ka lidhje me muzikën, me natyrën e një reperi?

 

Ndoshta është edhe kjo. Dikush s’do ta lërë të ngrihet, dikush do ta dëmtojë.

 

Si i ka marrëdhëniet vetë Saliu me pushtetin aktual?

 

Përveç asaj që ju thashë pak më lartë, unë vetë nuk kam pasur as shqetësimin më të vogël.

 

Si mendoni, ku e ka zanafillën ky inat, këto provokime?

 

Mendoj se është diçka e vjetër, por që s’duhet të ndodhë. As kur të jemi ne në pushtet, s’duhet t’i ndodhë një të majti. Mendoj se janë për shkak të bindjeve politike, pasi ne, Stresi e ka deklaruar hapur.

 

Shqetësoheni se mund të ndodhë diçka më e rëndë se kaq?

 

Po, edhe mund të ndodhë. Mund t’i vënë diçka në trup apo në makinë, që në fakt nuk i ka me vete. Gjithçka mund të ndodhë.

 

Keni diçka të fundit për të thënë?

 

Doja të shtoja që edhe tri herë në ditë ta shoqërojnë Stresin, unë nuk do të bie pre e provokimeve. Thashë, policët në këtë rast nuk kanë asnjë faj. (Bluetooth)

Continue Reading
Click to comment

Leave a Reply

Your email address will not be published. Required fields are marked *

Showbiz

Kjo ka qenë shuma më e lartë që ka marr bakshish Meda

Published

on

Këngëtari i njohur Meda është shprehur se ishte thjeshtësia dhe modestia e bashkëshortes që e bëri për vete.

Meda u shpreh se ishte ai që bëri hapi e parë për t’u lidhur me të.

Ai shtoi se ndër vite Luljeta ka mbetur e njëjta.

Këngëtari ia atribuoi të dyve suksesin e martesës së shëndetshme

Meda zbuloi se bashkëshortja kujdeset për look-un e tij.

“Gjithmonë e kam pas në krah, më ka mbështetur! 90% të punës, look-ut tim, e përzgjedh Lulja, ajo më thotë tani më dukesh mirë dhe këto do veshësh sonte”.

“Dhe unë i them në rregull sepse i besoj. Ajo më ka bërë për vete me thjeshtësinë e vet. Jemi parë rastësisht, unë e kam bërë hapin e parë”.

“Ka qenë e thjeshtë, modeste, s’di ta përshkruaj, është e njëjta si ka qenë kur jemi njohur. Ajo gjithmonë ka qenë bossi i shtëpisë. Kemi rreth 14 vite bashkë. Për suksesin e martesës meritën e mbajmë të dy! ”– tha ai në një intervistë për emisionin “Nin”.

Këngëtari zbuloi edhe shumën marramendëse që lanë bakshish në një koncert në Australi.

“Në Australi për një natë kemi marrë mbi 30.000 dollarë. Këndoja vetë dhe isha i shoqëruar nga muzikantët e mi. Është e vërtetë, ka qenë për Pavarësinë e Kosovës, për herë të parë që isha në Australi. Ishte eksperiencë e paharruar,” – përfundoi Meda.

Continue Reading

Showbiz

Vajza e Lutfi Hazirit e krahason veten me Mona Lisën

Published

on

Vajza e Lutfi Hazirit merr vëmendje me paraqitjet e saj atraktive.

Ajo ka arritur të ketë mijëra ndjekës në Instagram, përkundër që nuk është e njohur për ndonjë profesion.

Duke gëzuar një bukuri të rrallë, ajo së fundmi bëri një ngjashmëri mes saj dhe Mosa Lisës.

Duke publikuar një imazh në të cilin u shfaq e mbështjellë me një pelerinë, ajo shkroi: Mona Lisa e kohëve moderne.

 

Continue Reading

Showbiz

Mbretëresha Elizabeth nuk do të festojë 95 vjetorin e saj të lindjes pas vdekjes së Princit Philip

Published

on

Mbretëresha po feston ditëlindjen e saj të parë në dekada pa burrin e saj Princin Philip të mërkurën

Këtë vit 95-vjetori i lindjes së Mbretëreshës Elizabeth do të jetë një rast i heshtur pas vdekjes së burrit të saj prej 73 vjetësh, Princit Philip, shkruan People.

Ditëlindja e shënuar e monarkut të Mërkurën nuk do të festohet si zakonisht – ndërsa Mbretëresha dhe anëtarët e tjerë të familjes shpesh shënojnë ditëlindjet e tyre duke ndarë portrete të reja me publikun, nuk do të ketë një foto të lëshuar këtë vit.

Kjo do të jetë ditëlindja e parë e Mbretëreshës Elizabeth pas vdekjes së burrit të saj, i cili u varros në Shën George’s Chapel në Kalanë Windsor të Shtunën. Ai vdiq në 9 Prill në moshën 99 vjeç, vetëm dy muaj larg 100 vjetorit të lindjes.

Mbretëresha është e rrethuar nga stafi i saj besnik dhe tre qentë e saj (të cilët ajo është parë në Kopshtet Frogmore gjatë javës së kaluar) në Windsor Castle, dhe anëtarët e familjes me gjasë do të vizitojnë monarken në ditët në vijim.

Continue Reading

Trending