Connect with us

Zoya

7 gjërat që një femër vëren së pari tek një mashkull

Published

on

Të flasim pak për përshtypjet e para. Më konkretisht, ato që gratë krijojnë mbi meshkujt kur i takojnë për herë të parë. Çfarë vënë re?

1. Këpucët tuaja

Pse ka rëndësi: Nëse sytë janë dritarja për shpirtin, këpucët janë dritarja e stilit tuaj. Vishni ato të gabuara, dhe ju do të jepni një mesazh më pak se ideal. Nëse ato janë të lehta,  ajo do të dyshojë që jeni tip “i lirë”. Nëse janë të vjetëruara, ajo do të mendojë se nuk ju intereson pamja juaj (dhe do të pyesin veten se çfarë tjetër nuk ju intereson).

Ç’të bëni: Konsideroni këpucët një investim. Shpenzoni sa të mundeni për disa palë të mira – vishni këpucë në të dyja ngjyrat, të zeza dhe kafe, si dhe mokasinë për veshjet më sportive. Dhe sigurohuni që këpucët tuaja janë të përshtatshme për veshjen – kjo do të thotë që nuk duhet të vishni atlete apo sandale me kostum.

2. Përshëndetja juaj

Pse ka rëndësi: Pse mendoni se është aq situatë nervoze kur garuesit e parë dalin nga limuzina tek “The Bachelor”? Dhe djema, mos pretendoni se nuk e keni parë këtë serial të paktën një herë. Është për shkak se ata kanë vetëm disa fjalë dhe gjeste për të bërë një përshtypje të parë të mirë. Një përshëndetje është mundësia e parë për t’u prezantuar në mënyrën që dëshironi të shiheni. Shtrëngimi i dorës, buzëqeshja dhe “përshëndetje”, të gjitha kontribuojnë.

Ç’të bëni: Jini të sigurt në vete, por miqësorë. Mos shikoni përtej, ose lart e poshtë kokës së femrës, para se të shihni fytyrën. Sigurisht, nëse nuk mund të bëni kontakt me sy nga nervozizmi, kjo nuk është shumë tërheqëse. Shikojini në sy, buzëqeshni ngrohtësisht, dhe përsëritjani emrin (për t’ju ndihmuar ta mbani mend atë). Dhe kurrë mos nënvlerësoni fuqinë e një shtrëngimi duarsh.

3. Duart tuaja

Pse ka rëndësi: Meqë tashmë po flasim për shtrëngimet e duarve, le të diskutojmë gjendjen e lëkurës suaj. Unë e di se “lagështimi” ndoshta nuk është në listën tuaj të përditshme “Për të bërë”. Por duart e ashpra nuk janë diçka që zonjat duan të vënë re. Askush nuk dëshiron të prekë lëkurën me luspa. Edhe nëse mendoni se hidratuesi nuk është “burrëror”, është në interesin tuaj më të mirë që të mbani lëkurën tuaj të butë.

Ç’të bëni: Mbani një krem duarsh në tryezën tuaj në punë dhe përdoreni atë kur jeni duke menduar formacionin tuaj të futbollit të fantazisë ose duke u përpjekur të vendosni se çfarë duhet të hani për drekë.

4. Pamja juaj

Pse ka rëndësi: Ka, natyrisht, djemtë e modës dinë gjërat që s’duhet të bëjnë. Për shembull, të shkojnë në një takim me t-shirt që lexon “Unë jam budalla”. Ose të shkojnë në një takim biznesi me bluzë si flamur. Por zakonisht, janë gjërat më të vogla që mund t’ju ndihmojnë në një përshtypje të parë. Një këmishë e zhubrosur – pantallona që nuk janë hekurosur mirë – këpucë me baltë, të ngjyrosura me të gjelbrën e barit.

Ç’të bëni: Bëni një skanim të plotë në pasqyrë para se të dilni nga shtëpia juaj. A dukeni mirë? Të rregullt? A janë flokët të krehur? Këpucët të lidhura? A shkon rripi me këpucët? Një shikim i shpejtë do t’ju shpëtojë nga gabimet e vogla në një përshtypje të parë.

5. Ora juaj

Pse ka rëndësi: Gratë nuk presin që çdo burrë të mbajë Roleks, por ato presin që të mbani një orë burrash – jo fëmijësh. Jo me fytyra me Mickey Mouse. Jo ora si makinë llogaritëse. Dhe asgjë prej gome, nëse nuk po shkoni në maratonë.

Ç’të bëni: Nëse është koha të merrni një orë, bëni një vizitë në dyqanin e qytetit për të parë se cila është që ju pëlqen. Nuk mund të gaboni nëse merrni një me rrip metalik dhe fushë të zezë, apo rrip klasik lëkure me fushë të bardhë. Jo që të duket shumë, por as edhe një orë që duket sikur e ke mbajtur në festën e karnavaleve.

6. Gramatika juaj

Pse ka rëndësi: Edhe në shkëmbimin e parë të përshëndetjeve, zonjat kanë gjykime. Ato vënë re nëse përdorni fjalë të mëdha ose jo, nëse thoni “hmmm”, i quani “goce” ose “e dashur”, dhe nëse fjalori juaj është i mbushur me fjalë të pista.

Ç’të bëni: Lexoni më shumë libra? Nuk kërkohen fjalë 10-dollarëshe në çdo fjali, por femrat duan të ndjehen të sigurta që mund të bisedoni si duhet, nëse ju prezantojnë me miqtë ose familjen e tyre, pa patur frikë se do i sikletosni.

7. Flokët tuaja

Pse ka rëndësi: Mënyra si i mbani flokët flet shumë për ju. Një krehje ku përpiqeni të mbuloni një pjesë pa flokë ju bën të dukeni të pasigurtë. Me yndyrë duket sikur nuk i keni larë prej ditësh.

Ç’të bëni: Gratë kanë mendime të ndryshme mbi gjatësinë e duhur të flokëve, por kjo është subjektive. Më i rëndëishëm është stili. Ose nëse e kanë një stil. Nëse mbani flokë të gjatë, sigurohuni që janë nën kontroll kur dilni nga dera. Nëse po ju bien, thjeshtë rruajeni kokën pa patur turp. 

Zoya

Qumështi i bajameve: Përfitimet, rreziqet dhe si ta përgatisni në shtëpi

Published

on

Çfarë është qumështi i bajameve?

Qumështi i bajameve bëhet nga bajame të bluara dhe ujë, por mund të përfshijë përbërës të tjerë në varësi të llojit. Gjatë përpunimit, bajamet dhe uji përzihen dhe më pas kullohen.

Në shumicën e qumështit komercial të bajameve, përbërësit trashës, konservuesit dhe aromatizuesit zakonisht shtohen për të përmirësuar aromën, strukturën dhe afatin e ruajtjes.

Qumështi i bajameve është i përshtatshëm për veganët si edhe njerëzit alergjikë ndaj tij ose me intolerancë ndaj laktozës.

Përbërja

Qumështi i bajameve është i pasur me vitaminë E, një antioksidant që lufton sëmundjet. Gjatë përpunimit, zakonisht pasurohet me kalcium dhe vitaminë D. Megjithatë, nuk është një burim i mirë i proteinave.

Përfitimet shëndetësore të qumështit të bajames

– I pasur me vitaminë E: Vitamina E është një vitaminë e rëndësishme për mbrojtjen e qelizave nga dëmtimi i radikalëve të lirë. Ajo ndihmon shëndetin e syve dhe të lëkurës dhe mund të luajë një rol në mbrojtjen nga sëmundjet, si sëmundja e zemrës.

– Përmban pak sheqer: Nëse po përpiqeni të kufizoni marrjen e sheqerit, qumështi i bajames pa ëmbëlsues është një zgjedhje e shkëlqyeshme.

Qumështi i bajameve: Përfitimet, rreziqet dhe si ta përgatisni

Rreziqe të mundshme

– Mungesë proteinash: Proteina është thelbësore për shumë funksione trupore, përfshirë rritjen e muskujve, strukturën e lëkurës dhe kockave dhe prodhimin e enzimave dhe hormoneve. Nëse preferoni qumështin e bajameve, sigurohuni që të konsumoni fasulet, thjerrëzat, arrat, farat etj. Nëse nuk shmangni produktet shtazore, vezët, peshku dhe mishi i pulës janë burime të mira të proteinave.

– I papërshtatshëm për foshnjat: Fëmijët më të vegjël se 1 vjeç nuk duhet të pinë qumësht lope ose me bazë bimore, pasi këto mund të parandalojnë thithjen e hekurit.

– Mund të përmbajë përbërës të shtuar: Kontrolloni listën e përbërësve. Zgjidhni qumështin e bajameve pa ëmbëlsues dhe pa aromë.

Qumështi i bajameve: Përfitimet, rreziqet dhe si ta përgatisni

Si ta bëni vetë qumështin e bajameve

Përbërësit:

– 2 gota bajame të njomura
– 4 gota ujë
– 1 lugë çaji ekstrakt vanilje (opsionale)

Vendosni bajamet në ujë brenda natës dhe kullojini para se t’i përdorni. Shtoni bajamet, ujin dhe vaniljen në një blender. Sigurohuni që bajamet të jenë bluar mirë (1-2 minuta). Më pas, kullojeni përzierjen me napë. Lëngun ruajeni në frigorifer për 4-5 ditë.

Continue Reading

Zoya

Frymëmarrja e mirë – thelbësore për shëndetin

Published

on

Nuk ka rëndësi se çfarë hani, sa stërvitje bëni, sa i dobët apo i ri jeni: asgjë nga këto nuk ka rëndësi, nëse nuk merrni frymë siç duhet, ky është mesazhi kryesor që vjen nga libri “Arti i Frymëmarrjes” i gazetarit shkencor dhe shkrimtarit James Nestor.

“Do të dukej pothuajse e pa rëndësishme, megjithatë, si specie, njerëzit kanë humbur aftësinë për të marrë frymë siç duhet, duke rrezikuar kështu shëndetin”, shkruan Nestor.

“Një nga arsyet kryesore? Njerëzit marrin frymë gjithnjë e më shumë me gojë, sesa me hundë, duke humbur 40 për qind lagështi, duke mos përdorur oksigjen në mënyrën më të mirë të mundshme dhe duke prishur funksionimin e zonave të caktuara të trurit të shoqëruara me vendimmarrje dhe logjikë”, shton ai, shkruan KP.

Sipas Nestor, edhe me maskë, për shkak të pandemisë, ne duhet të kujtohemi të frymëmarrim me hundë, pa pasur frikë se vënia e saj ul ngopjen me oksigjen.

Midis shkencës, trillimit dhe anekdotave dhe duke u mbështetur te ekspertët e mushkërive për të provuar shkencërisht besimet më të përhapura në frymëmarrje, autori zbulon, gjithashtu, se sëmundje të tilla si astma, ankthi, çrregullimi i mungesës së vëmendjes, psoriaza, mund të lehtësohen duke ndryshuar mënyrën e frymëmarrjes.

Continue Reading

Zoya

Vitamina që stimulon kujtesën, inteligjencën dhe krijimtarinë, tek fëmijët dhe të rriturit

Published

on

A keni menduar ndonjëherë që ekziston një vitaminë që mund të stimulojë IQ dhe të menduarit krijues? Epo, ekziston një vitaminë që stimulon kujtesën, inteligjencën dhe krijimtarinë si tek të rriturit ashtu edhe tek fëmijët.

Vitamina që stimulon kujtesën, inteligjencën dhe kreativitetin dhe është e mirë për sytë

Kjo është luteina, një vitaminë e përdorur për trajtimin e degjenerimit makular, e aftë të zvogëlojë inflamacionin sistemik dhe të stimulojë funksionimin e duhur të trurit. Në fakt, truri kërkon luteinë për zhvillimin e duhur. Sidoqoftë, disa njerëz e kanë të vështirë të përthithin luteinën, veçanërisht nëse janë mbipeshë.

Studime të shumta me fëmijë, njerëz të moshës së mesme dhe të moshuar kanë treguar rëndësinë e luteinës në shëndetin e trurit. Nivelet më të larta të luteinës dhe zeaksantinës janë shoqëruar me përmirësim të njohjes, kujtesës dhe krijimtarisë tek të rriturit. Ndërsa studimet e kryera tek fëmijët kanë zbuluar se 60% e karotenoideve në trurin e një fëmije përbëhen nga luteina. Për këtë arsye marrja ditore e 6 mg lutein dhe zeaxanthin mund të sigurojë përfitime të konsiderueshme shëndetësore.

Ku merret luteina?

Këtë vitaminë është e mundur të merrni nga një dietë që përfshin një larmi të madhe të produkteve të freskëta. Luteina gjendet në përqendrime të larta në lakër jeshile, spinaq, dardhë dhe luleradhiqe. Gjithashtu është e mundur që kjo vitaminë të merret në formë suplementi.

Continue Reading

Trending