Connect with us

Botërori 2018

11-shja më zhgënjyese e Kupës së Botës

Published

on

Ka përfunduar Kupa e Botës “Russia 2018” dhe kampion botëror u shpall Franca, e udhëhequr nga lojtari i Atletico Madridit, Antoine Griezmann, shkruan Periskopi.

Kroacia bëri arritje historike, duke dalë e dyta në turne dhe duke e kapërcyer rekordin e 1998-s, kur arriti të dilte e treta.

E treta e botës u bë Belgjika, pasi në ndeshjen për vend të tretë e mundi Anglinë me rezultat 2 me 0.

Zhgënjyese në këtë turne ishin veçanërisht Gjermania dhe Anglia, por edhe mes kombëtareve tjera pati shumë lojtarë që nuk i përmbushën as afërsisht pritshmëritë e fansave të tyre.

Kjo është 11-shja më zhgënjyese e Botërorit, bazuar në këto pritshmëri:

Portier: Hugo Lloris, Francë.

Pika më e dobët e Francës në Kupën e Botës ishte në pikën më delikate, në portë. Lloris dje gaboi rëndë në finale, duke i dhuruar një gol Kroacisë pas përpjekjes për të tejkaluar futbollistin kroat Manxhukiq. Lloris ka shfaqur pasiguri edhe në ndeshjet e kaluara, duke mos qenë në nivel me lojtarët e tjerë të ekipit.

Këtu mund të ishte edhe Neuer, i cili poashtu gaboi dhe De Gea – por mos-sukseset e ekipeve të tyre kombëtare më shumë u përcaktuan nga lojtarët e reparteve ofenzive.

Mbrojtës krahu: Jordi Alba, Spanjë; Joshua Kimmich, Gjermani.

Jordi Alba nuk bëri paraqitje të mira për Spanjën nën urdhërat e Fernando Hierros. 18-shja e Barcelonës dukej mosvet e padisiplinuar duke lënë hapësira në mbrojtje, dhe duke mos arritur të bënte asgjë në fazën ofenzive. Edhe nga Kimmich i Bayernit pritej shumë më shumë, por ai ishte një tjetër futbollist zhgënjyes.

Mbrojtës qendre: Gerard Pique, Spanjë; Samuel Umtiti, Francë.

Prekja me dorë e Gerard Pique në ndeshje kundër Rusisë ishte decizive që Spanja të shkonte në vazhdime dhe të humbte nga penalltitë. Një tjetër gabim i Pique ishte edhe ndalja e Cristiano Ronaldo-s në ndeshjen e parë të Botërorit jashtë zonës me faul, që rezultoi me një tjetër gol të pësuar.

Umtiti është një tjetër fitues i Kupës së Botës që zhgënjeu me paraqitjet e tij. Edhe në finale, por edhe në gjysmëfinale dhe në ndeshjet e tjera, Umtiti ishte mjaft i pasigurtë në pasime dhe në pozicionim, duke dëshmuar se Barcelona bën mirë të rimendojë nëse dëshiron të mbajë Yerry Minan.

Mesfushorë qendre: Isco, Spanjë; N’golo Kante, Francë; Delle Ali, Angli

Isco, sepse në ndeshjen e humbur në penallti përballë Rusisë nuk ia doli të ishte aspak kreativ për të krijuar hapësira për sulmuesit ose edhe për të gjuajtur vetë që të mposhte portierin Akinfeev. Kante, sepse në ndeshjen përballë Kroacisë në finale, ishte thuaj tërësisht i neutralizuar dhe i pandikim, duke bërë një paraqitje skandaloze në mesfushë me shumë pasime të gabuara dhe me shumë rrezik të krijuar për ekipin e tij. Ali, sepse luajti shumë dobët gjatë gjithë turneut, edhe pse pritjet ishin që të bëhej lojtari kryesor i “Tre Luanëve”.

Sulmues: Neymar, Brazil; Diego Costa, Spanjë; Olivier Giroud, Francë

Neymar nuk ia doli mbanë të frymëzonte ekipin e tij që të shkonte më tej se në çerekfinale. Paraqitja përballë Belgjikës ishte mjaft e dobët, ndërkohë që ai u kritikua edhe për simulimet e kota që i bënte në vazhdimësi, shkruan Periskopi. Dobët luajti edhe Diego Costa, ani që e nisi mjaft mirë me dy gola. Në ndeshjen përballë Rusisë, ai u markua mjaft mirë nga një 38 vjeçar si Sergej Ignasheviq. Giroud është poashtu kampion bote, dhe me gjatësinë e tij ia dilte të krijonte hapësira për dyshen e rrezikshme Mbappe, Griezmann, por vetë nuk mundi të shënonte asnjë gol në shtatë ndeshje të luajtura, një statistikë katastrofale krahasuar me atë të mbrojtësit të Kolumbisë Yerry Mina që shënoi tri herë. /Periskopi

Botërori 2018

Batuta e ish-kreut të FIFA-s: Në fund, qielli po qante për Kroacinë dhe për VAR-in

Published

on

By

“Një Kupë Bote e shkëlqyer! Komplimente për organizimin dhe veçanërisht Rusisë! Në fund qielli po qante për Kroacinë dhe për vendimin e VAR-it”.

Është ky postimi në “Twitter” i ish-presidentit të FIFA-s, Jozef Blater, pas finales Francë-Kroaci.

Zvicerani i larguar nga kreu i qeverisë botërore të futbollit mes skandaleve, ishte një i ftuar i presidentit rus, Vladimir Putin, gjatë muajit të turneut.

82-vjeçari ka qenë një nga kundërshtarët e përdorimit të VAR-it në Kupën e Botës me argumentin se teknologjia nuk duhej të eksperimentohej gjatë turneut.

“Një ndryshim kaq i rëndësishëm nuk mund të eksperimentohet në Botëror”, përsëriste njeriu që e drejtoi FIFA-n për 17 vite.

Continue Reading

Botërori 2018

Fermeri italian e ‘gdhend’ figurën e Kupës Botërore në fushën e tij në shenjë falëndërimi për rusët

Published

on

By

Traktoristi iltalian Dario Gambarin ka ‘krijuar’ një imazh gjigand të Kupës Botërore së bashku me emrin e kampionëve të sapo-kurorëzuar, Franca, në një fushë pranë qytetit Verona në Italinë veriore.

Gambarin ka përdorur traktorin e tij si një mënyrë për të pluguar fushën në krijimin e një imazhi masiv në të cilën mund të shihet nga qielli.

‘Artisti i tokës’ gjithashtu emrin “Russia” e ka shënuar sipas alfabetit rus cirilik për t’i dhënë merita të mëdha në menaxhimin e turneut më të madh botëror.

Ai është i famshëm për krijimin e artit në terrene dedikuar ngjarjeve globale, raportoi “RT”, transmeton Periskopi.

Vitin e kaluar, ai ka bërë edhe një portret të madh të liderit rus Vladimir Putin i cili ishte pjesë e samitit të G20 në Gjermani, ku ai mori pjesë së bashku me liderët e tjerë botëror.

Fermeri italian gjithashtu ka ‘gdhendur’ figura të tjera në fushën e tij, përfshirë ish presidentin e Shteteve të Bashkuara Barack Obama, Papën Francis, ish presidentin e Afrikës Jugore Nelson Mandela, dhe presidentin e tanishëm amerikan Donald Trump./Periskopi/

Continue Reading

Botërori 2018

Ja ku mund ta votoni golin më të mirë të Botërorit, aty është edhe goli i Januzajt

Published

on

By

Kampionati Botëror Rusia 2018 tani cilësohet si njëri ndër më të mirët të mbajtur ndonjëherë. Ky Botëror ka dhuruar emocione, pasion dhe entuziazëm për adhuruesit e futbollit kudo në botë. Në këtë Botëror ka pasur mjaft momente dhe gola të bukur.

FIFA e ka dhënë një mundësi për të gjithë ata që dëshirojnë ta votojnë golin më të bukur të këtij Botërori që përfundoi me Francën kampione, e cila e mposhti Kroacinë në finale me rezultatin 4-2, shkruan Express.

Votimi është shumë i thjeshtë, në postimin e FIFA-së në Twitter është linku për ta votuar golin më të mirë, në garë janë 18 gola prej tyre edhe goli i Adnan Januzajt, të cilin e shënoi në ndeshjen kundër Anglisë.

Afati për të votuar është deri më 23 korrik.

Më poshtë mund ta shihni linkun dhe mundësinë për të votuar:

Continue Reading

Trending